大家都知道家吓內地不時嚴打，被查獲者有機會被罰款及拘留，到時候認真麻煩。我大軍認識一位仁兄，曾遇到以上情況，幸好最後有人出手相助，終能冇事返港，但事件通晒天，睇怕佢之後對住老婆時，肯定有排受罪。
事後，呢位仁兄終日埋怨朋友連累佢，話咁多桑拿場，對方偏偏要帶佢去嗰間，更認為自己十八歲出去滾，足足十多年都未曾出過事，認為呢次只係運氣唔好。之後佢亦因此而有一段時間唔敢上去玩，但未至於「見過鬼怕黑」嗰種，所以隔咗一段時間，當心理陰影慢慢消除，佢就又再身痕，繼續風流。
老實講，到底玩唔玩，係自己決定嘅，呢個世界冇人會拎住支槍叫你去滾，但至少要考慮吓自身情況，同時要知道北上尋歡作樂時，亦需冒上一定風險，好似上述嗰位朋友咁，因嚴打被抓，唔能夠怪人，亦唔可以話冇運氣，事關呢啲只係內地有關部門實施嘅政策而已。
撰文：大軍