阿芝:跟男友同居一年，生活得相當愉快，性生活正常，但自從男友轉工之後，一切都出現變化，事關我嘅工作時間係朝九晚五，而男友則剛好相反，佢係返夜晚六點至凌晨時分，即係話我放工嗰陣，男友就要出門，根本冇乜機會做愛。雖然男友表示唔介意，但我真係擔心佢會因此而出去偷食，到底點算好呀？
小花:畀着我會半夜起身，等佢收工返嚟，然後拿拿臨將佢吸乾，一來可以解決大家生理需要，二來等佢冇晒「精力」出去外面搞三搞四，雖然呢個做法會令你比較辛苦，但至少唔使擔心咁多嘛！
大隻標:香港人就係咁，工作時間特別騎呢，但仍建議你不妨同佢夾吓時間，睇吓邊一日大家都放假，到時就可以做番夠本。而且男人「餓」咗一段時間之後，表現會零舍勁，所以呢個方法對大家都有好處。
星仔:我覺得你可以借助性玩具去幫手，當男人有需要時，咪叫佢拎個飛機杯自己搞掂囉！再唔係你可以趁佢未瞓醒時，向佢發動偷襲，直到將佢吸乾為止，但呢個方法都唔係冇缺點，就係搞到男友唔夠瞓，冇晒精神。