答：呢啲所謂「藥酒」，通常係用唔同嘅中藥浸製而成，所以本身係有少少藥用成分，基本功效就係可以令身體行氣活血，就算天寒地凍，成身都有暖笠笠嘅感覺，但大家咪當佢係「偉哥」，以為飲咗佢就會金槍不倒，如虎添翼。

至於飲呢啲藥酒安唔安全，真係見仁見智，撇除係用假酒、假藥造成嘅唔計，就算係原裝正貨，大家亂飲都係有啲危險，事關同係人參鹿茸，唔同體質嘅人，吸收同反應都有唔同，有人會冇料到，有人會好掂，但亦有人會頂唔順，爆埋血管都有。

所以奉勸大家，最好咪飲，除非得到中醫師嘅指導，先至好飲用呢啲藥酒。另外，千祈咪用藥酒嚟猜枚鬥酒，咁樣會死多二錢重，明明身體強壯，都會變虧佬，大家真係要留意呀！

撰文：小德