小舖林立

據了解，性保健街係一條狹窄小巷，短短百餘米距離內，兩旁都有類似士多嘅性保健用品店，而大多數店舖更係冇店名，有啲甚至連門牌都搵唔到，只會於門外擺放生殖保健用品嘅燈箱招牌。經常來往廣州工作嘅阿細話：「喺度搵到嘅嘢唔少，例如國產性玩具、避孕套、按摩油等，但數到最多必定係假春藥。」

愈做愈旺

阿細表示，目前市場上最有名嘅壯陽藥，每粒正價平均由一百三十元起，而喺性保健街，只需四十元就可以買到，一次買六粒更多送一粒，難怪不少人到來幫襯，亦因為太多男人聚集，年前開始經已有唔少企街進駐，租用樓上住宅經營淫業。阿細話：「唔只企街過嚟搵食，以我所知，有集團操控嘅妓女甚至同性用品店掛鈎，只要人客購買春藥，就可以免費同囡囡上房，以致呢區愈做愈旺。」

對於人客以囡囡試春藥，囡囡就話：「究竟啲藥係咪有用，我根本唔在乎，反正大部分人客都喺正常嘅時間內完事，不過，嚟得呢度玩嘅人客，過程必定會問我表現係咪好堅，而我例牌答案一定會話係，仲會扮到好享受，實情係想刺激佢哋快啲完事！」

唔好亂試

由於春藥係假貨，亦有囡囡擔心會出事，一位囡囡小花話：「我喺度搵食接近一年，試過有個客食春藥後做極唔射，搞足個幾小時都冇軟化，結果未完事就走。其實我最擔心嘅係，搞出人命就真係一身蟻呀！」其實連內地人都知道當地售賣嘅係假藥，真係唔好立亂試呀！

撰文：祖