大口柴：最近喺間酒樓裏面，識到個38歲嘅靚女部長，佢十分風騷，而且身材出眾，仲不時撩我去澳門玩一晚，咁即係過夜啦！我好唔好答應同佢去澳門玩番晚呢？
源哥：梗係食得唔好嘥啦！老虎蟹都上！同得你孤男寡女咁去澳門，仲話要過夜嘅，擺明就係蓬門今始為君開，買定打零兩打避孕套過大海，一於捨命餵飽佢！
小雲：我話佢九成係約你去賭錢，萬一佢輸咗，就方便問你借賭本翻身，好彩贏咗嘅就冇嘢，輸咗嘅話，你條數就賭債肉償，但可能要一兩萬至可一親香澤，認真諗過先。
肥燦：我都有過咁嘅經驗，同條桑拿妹過大海玩，以為成晚唔得閒，點知條女成晚喺賭場搏殺，第二朝天光輸晒，就話冇心情要返香港，最後連酒店房嘅錢都蝕埋呀！