地位崇高

○四年出道嘅蒂維娜，以出眾嘅身材及嬌俏嘅樣貌，廣受四仔迷注目。睇番資料，蒂維娜喺投身四仔界前，其實係模特兒，及後被星探發掘，因而轉戰四仔界。由於蒂維娜樣靚身材正關係，就喺○六年有四仔奧斯卡之稱嘅AVN頒獎禮中，得到「最佳新進四仔女星」，並從此成為AVN頒獎禮嘅常客。從「最佳三人混戰場面」到「最受歡迎四仔女星」等，無一唔係佢嘅囊中物，足見佢喺四仔界嘅地位愈嚟愈高。

開拍新片

雖然蒂維娜嘅四仔事業如日方中，但近年嘅作品數量卻不斷減少，因此有傳言指，蒂維娜將會引退。不過蒂維娜最近喺佢個網誌上透露，原來佢之所以減產，並非為咗引退，而係為咗籌備佢第一部導演嘅四仔。原來佢今年將會以導演身份，開拍一部四仔新作，而呢部新作係講述一個職場慾女嘅奮鬥故事。為咗可以讓處女作更加引人入「性」，蒂維娜不但親自寫劇本，更努力瘦身務求以最佳嘅形象出現，希望可以帶畀觀眾最佳嘅視覺享受。如果大家想一睹蒂維娜新作嘅話，就要密切留意喇！

撰文：阿豪