撰文：祖

色情服務

曾經試過「根浴」嘅阿肥表示，東莞九成根浴店基本上都係提供色情服務。「第一次同朋友去幫襯，就覺得根浴非正規保健按摩。」阿肥話根浴店雖然稱為會所，但環境就十分簡陋，只喺門外掛上簡單招牌，寫住「健康根浴」。店內空間勁細，布置簡單，一啲都唔似提供專業保健服務。

入到房內更大嚇一跳，招呼佢哋嘅竟然係身穿粉紅色護士服嘅囡囡，之後阿肥就按「護士」要求瞓上床，對方更為阿肥剝褲。「之後，護士就將一個罩套喺我敏感部位，然後就有水不斷沖擦，期間女護更不斷問我有關性生活等敏感話題。」言談間阿肥已感覺到對方另有目的。

問長問短

除咗言語挑逗，女護更好幾次以了解效果為由，親手接觸阿肥嘅命根。女護對阿肥說，如果一次效果唔明顯，要做多幾次先有效，同時向佢推銷一張價值千元嘅貴賓卡，之不過阿肥就企硬唔申請，而友人就抵受唔住刺激，即刻同女護開咗一張貴賓卡。同日，阿肥友人就收到「根浴」店來電，話有免費服務，叫阿肥友人可以任何時間過去試，結果晚上友人就話歎完根浴之後，女護更即場幫佢「劏蛇」，證明所謂根浴保健，根本就係另類「機場」而已！