黑妹：九成你有口臭，再唔係就係臭狐，你老婆又唔好意思同你講，於是咪以休戰嚟警告你囉！仲唔快啲去睇醫生，醫好身上啲嘢，老婆可能會馬上攬住你嚟錫呢！

局長：你大鑊啦！計我話你老婆九成係紅杏出牆，而且不幸中招，所以唔敢同你做愛，怕你萬一賴埋嘢，畀你發現仲唔發佢圍咩！快啲搵私家偵探跟蹤吓佢仲好啦！

豬乸材：女人唔肯同你做愛，其實唔使大驚小怪，因為你只要有小小事得罪咗佢，佢都會採用「休戰」嘅方法嚟收拾你，建議買份禮物賠罪，保證佢會馬上開工。