撰文：祖　攝影：德

愛風塵味

究竟做個桑拿技師，有咩格好講，莫非嫖友要囡囡冇風塵味至啱胃口？現職利×水療技師肖露解釋：「當然唔係啦，所謂百貨百客，每位囡囡都必定有人客鍾意，靚女當然多人揀啦，但事實上有唔少客都鍾意撈味重嘅囡囡，貪佢哋床上夠主動，功架十足！」阿妹對馬交夜遊界相當熟悉，但仲未交代點解做囡都要講格喎？「我所指嘅格事實上好難解釋，你可以話係一種型格，好似我咁，朋友都話我注定係靠搵男人錢嘅！」

因應情況

照肖露咁講，即係話做夜場要有夜場格啦！不過何謂夜場格呢？把口夠甜、任勞任怨係咪又係夜場格呢？「錯晒，我反而認為，今日作為技師或PR，淨係識順從人客要求係唔得㗎，以我為例，一定要有自己態度，知道邊樣係好，邊樣係唔啱，畀到意見人客，例如人客入房時心情本來唔多好，但缺乏經驗嘅技師只顧按『指引』服侍人客，全程笑容滿面，由頭講到尾，人客肯定火都嚟啦！相反我就會按人客心情，若然人客想靜靜哋享受，我就情願唔出聲，咁至稱得上專業，人客先會Buy你嘛！」

考驗實力

假如每位技師都照阿妹做法，即係唔多理人客，自己做自己嘢，我諗冇人客會鍾意噃？「又唔會喎，唔少人客其實入到房都唔知自己想點，雖然最終目的都係想出火，但過程好定壞，就全由技師操控，呢樣嘢就好考技師經驗同功力，若然技師怕得罪人客就好難做得投入，自然影響發揮，人客又點會爽呢？」阿妹對自己信心十足，更話自己係專業技師指標，真係服咗你囉！