身邊唔少玩家，只要一出羅湖口岸，就以為乜女都可以溝，尤其係去到餐廳食飯，見到稍為索啲、身材好啲嘅服務員，就係咁撩人哋。雖然話以前內地女仔，會對香港人嗒晒糖，撩得幾撩就會同你爆房。不過呢啲都係好耐好耐以前嘅事，時至今日，內地有錢佬多到瀉，加上港紙唔再值錢，香港人嘅優勢蕩然無存，咪再以為自己係皇帝至得！
好似我有個老友，每次北上都變咗另一個人咁，遇到女人就勁口花，只要個樣靚啲都會撩人，結果畀人打到變豬頭。話說早排佢同幾個朋友北上尋歡，喺間餐廳度見到個啤酒妹，身材玲瓏浮凸兼有幾分姿色，於是口多多撩幾句。起初啤酒妹都搭吓嘴，點知見老友愈講愈唔對路，又話要接佢放工，又問佢想唔想同佢爆房，結果啤酒妹就打電話同男友哭訴，老友等眾人一出門口就畀人圍住，好彩餐廳經理出嚟勸止，佢至唔使畀人打到入廠。所以話，去到人哋地方，都係收斂吓，如果想撩女嘅話，入房再撩都未遲。
撰文：大軍