小姐侍應做手腳

近年好多夜場都好醒目，佢哋會將喺銀行登記個名改為某某公司，譬如話係化妝品公司，或者係餐廳之類，咁就算係畀另一半睇到張月結單，都唔會出事。之但係咁，近日有唔少朋友去玩嘅時候，用信用卡畀錢之後就出事，因為返香港之後就發現自己個戶口不斷畀人碌卡，而且仲係收到銀行通知先知道。

刮王當然知道係咩一回事，因為當地夜場嘅侍應都同唔少假卡集團有聯繫，佢哋會偷取客人信用卡資料，咁當然會盜用你張卡。刮王提提大家，呢種事情通常都唔關間場事，因為佢哋打開門做生意，係唔會咁樣呃客人，問題係在於小姐同侍應，因為佢哋要搵錢，所以就出呢種招數，好多場如果發現呢個問題，都會即時開除侍應同小姐，所以大家去玩嘅時候，當小姐睇你個銀包，之後又問長問短嘅話，咁你就要小心，而且最好都係唔好用信用卡畀錢，就算係一定要用嘅話，都要睇實成個過程，避免畀人偷取資料。

撰文：刮王