我最近去長安搵個舊相好，點知佢冇再喺夜場返工，好彩我有佢嘅電話，於是約佢出嚟見面，事後佢仲帶我去佢香閨共度春宵，平時過夜要畀八百，但今次佢只收五百，而且房租錢都慳埋，請問佢係咪鍾意咗我呢？如果係又應該點算好呢？

答：

呢位師兄咪大驚小怪，呢啲情況周不時都有，好多夜場嘅囡囡，只要手頭有幾個恩客，長期定時幫襯嘅話，佢哋就會唔再做小姐，只靠呢批恩客過活，你話一個星期有得兩三個恩客搵佢聚舊，佢都有千五蚊收入，一個月就五六千，仲使乜做小姐。至於平咗收費，其實只係假象，事關佢哋平時收八百，唔係一個人袋晒o架，要拆返畀啲媽咪同經理，實收可能五百都冇，而且返工嘅話仲要化妝、整頭、置裝，全部都係錢，家陣零支出，囡囡輕鬆得多，而且客人又覺得平咗，一家平宜兩家着。至於囡囡係咪鍾意你，咪咁傻啦，歡場無真愛，剛才都講過，佢得你一個客都唔會咁做，就算佢認你做老公，都咪咁天真，預咗一街都係襟兄弟啦，但諗住享受女友Feel兼食平嘢，咁都冇壞嘅，但做人世就千祈咪制啦！

撰文：小德