撰文：阿豪

雙飛套餐

髮廊妹過夜價，相對夜總會差唔多平一半，因而深得玩家嘅歡迎，亦由於價錢平嘅關係，叫兩個囡囡玩雙飛，計落都只不過係一千蚊人仔，故此不少髮廊妹便成為想玩雙飛玩家嘅首選。花都有髮廊知道玩家呢種心理，便推出雙飛套餐作為招徠。所謂雙飛套餐，係指玩家可以八百人仔，揀兩個髮廊妹玩雙飛加過夜。

左擁右抱

呢個價錢不但比喺夜總會揀一個囡囡玩過夜平六成，相對喺其他髮廊揀囡玩雙飛，亦平咗兩百蚊，從價錢嚟睇相當吸引。此外，玩家亦可以任揀兩個心水靚女陪過夜，對於鍾意慢慢歎嘅玩家嚟講，別具吸引力。事關兩個髮廊妹除咗會陪玩外，仲會孖住陪唱、陪飲，只係畀多兩百蚊，就有左擁右抱嘅享受，但點解玩家試過後會嗌怕怕呢？

變相加錢

原來玩家揀完囡囡後，囡囡就會即刻拉玩家返酒店開波。當曳完之後，其中一個囡囡就會以各種藉口離開，即係俗語所謂「放飛機」。玩家如果覺得不忿，返髮廊同媽咪理論嘅話，媽咪便會大耍太極，表示玩家已玩咗一劑，唔可以退錢，反而提議對方加多三百，揀過另一個髮廊妹過夜，仲話呢個係熟客價添！心水清嘅玩家都知道，就算加錢搵過另一個囡囡，仍然有被「放飛機」之虞，實際上係畀多咗錢玩過夜雙飛。不少玩家為咗息事寧人，聽到呢度，都唔會再追究，但出嚟玩，卻換來一肚氣，難怪試過嘅人都大叫怕怕！