前幾日有朋友叫我去派對玩，好多富家公子，我咪去囉，去到真係好多青年才俊，仲同其中一個瘋狂咗成晚，事後我至發現去錯咗派對地方，咁點算呀？

局長

你唔係去錯黑社會嘅派對，應該都冇乜事嘅！關鍵你係咪「第一次」啫，如果諗住將第一次要嚟做嫁入豪門嘅籌碼，今次嘅失誤真係戥你難過，節哀順變吧！

大師

如果真係失身嘅話，老虎都捉住條靚仔，要佢負責任，冇一千幾百萬，最少都屈佢一千幾百蚊吖！就算佢一個崩都冇，執到件靚仔都可以滿足下吖嘛！

車神

家陣乜嘢年代，出得嚟玩，仲要負責任，有女仔同我咁講，我真係一巴巴咁車埋去，我反而擔心你有冇做足安全措施啫，快啲驗吓身、驗埋孕就最穩陣啦！