撰文：小德

坐上一姐位

好多碟評人事前都選定原紗央莉，一定會成為09年嘅「最優秀新人」獎得主，但佢今年年初先至出道，計埋一年都唔夠，加上出碟又唔係咁多，平均一個月一隻左右，要攞「最優秀女優」獎，似乎仲差啲日子，而且公司內有好多阿姐虎視眈眈，要喺佢哋手上爭做公司一姐，機會似乎微啲，但結果一公布，令全世界都大跌眼鏡。

原紗央莉能夠擊敗公司內嘅幾位阿姐，包括範田紗紗、坂垣梓、大沢佑香、紅音瑩等，坐上公司一姐嘅寶座，絕對唔係咁容易，而明顯公司咁做，就係希望藉住原紗央莉嘅人氣嚟領軍，明年可以帶啲新人師妹出身，令公司發展得更快。

人氣爆晒燈

以藝能界身份入行嘅原紗央莉，本身人氣已經好勁，年初決定入行拍AV，就曾經轟動一時，之後更新聞不絕，而且憑其混血兒嘅面孔，更踏足電影、唱片同埋出寫真集。講起出寫真，佢今年出嗰本寫真集，搵嚟寫真大師篠山紀信操刀，大師喺92年拍過宮澤里惠嘅寫真，靚女配大師，本身已經夠晒宣傳，但出版後竟因為喺墳場同鐵路禁區偷拍，搞到畀警方調查。

所以講新聞同人氣，原紗央莉喺SOD內無人能及，公司為咗將來發展，畀個一姐佢做亦無可厚非，但其實亦睇到AV女優嘅生命周期，真係愈嚟愈短暫，如果你唔能夠喺短時間內闖出名堂，馬上就會畀人淘汰，希望呢位新一姐帶更多新人出嚟益我哋啦！