問：有日我由布吉上常平，所以搭咗啲內地人坐嘅巴士車，價錢認真平，去常平都係十零廿蚊，但途中遇上扒手黨，真係好似電視新聞咁講，佢哋四五個人上車，之後分守幾個位置，然後向啲瞓咗嘅人落手，咁無法無天都得，其實我哋應該點樣做呢？
答：據講如果一有人叫救命，佢哋就會由偷變搶，人人攞把刀出嚟打劫，整架車畀人洗劫仲大鑊，所以盡量咪多事，只要自己知道搭呢啲車，老虎都唔好瞓覺就可以，佢哋見你清醒，又冇乜財物跟身，就會打其他人嘅主意，但你又唔好睇戲咁睇，更唔好攞手機出嚟拍低過程，事關呢啲人喺中途上車，但其實可能有內應早已喺車上，萬一你身邊嗰個係同黨，隨時小命不保，你只可以做嘅就係好似警方呼籲咁樣，保持冷靜，記住匪徒容貌，向咗邊幾個客人落手，當佢哋落車之後，自會有人出聲話有人偷嘢，當發現損失唔嚴重嘅話，一般都會返屋企至報案，但如果唔見咗貴重財物，你提供嘅資料，就會好有幫助。
撰文：小德