早十年返上大陸玩，邊興乜鬼聖誕節，呢啲日子全部都係香港人玩晒，但時移勢易，家陣上去夜場玩，全部都係內地人嘅天下，而且啲老闆仲識得加價，就好似前幾日啲卡拉OK房，足足貴咗一倍，但一樣客似雲來，只有我哋呢啲港燦卻步。
就算一啲專畀港人幫襯嘅夜總會，佢哋都一樣趁假日開天殺價，平時四五百蚊嘅全包套餐，佢哋開到七八百蚊一位，由於選擇唔多，好多朋友都惟有焗畀，以前真係睬你都傻，啲夜場趁聖誕收加一，我哋都掉頭走，所以今時真係唔同往日。
就算你肯畀多啲錢開間K房或者食個聖誕套餐，但咪以為就可以同靚女歡度佳節，因為好多囡囡喺佳節當日，早就約好晒啲朋友過節，陪你玩只望你快啲玩完，好等佢可以拿拿臨走人同朋友慶祝佳節，所以好多老友都話，過時過節，千祈咪上去幫襯。
撰文：大軍