撰文：小德

高層允許

就好似花都一間大型夜總會一樣，佢哋喺聖誕期間嗰幾日，由於客人太多，兩百囡囡都唔夠滿足所有客人，於是公司開放禁令，所有有「工牌」嘅女職員，只要放低「工牌」就可以坐枱，於是好多知客、侍應、舞蹈員等都紛紛下海，陪客人坐枱賺取小費，而最近水樓台嘅就係每間房嘅DJ妹，因為邊間房唔夠囡囡，佢哋第一個知道，而且可以自行揀啱心水嘅客人。

正常日子，大型夜場會將員工同囡囡分得好嚴格，因為囡囡一直都唔當係夜場員工，出入夜場係以客人身份，所以就算畀有關方面拉到，都同夜場無關，亦因為咁樣，所以嚴禁員工陪客，除非得到高層允許，而且只限個別囡囡，唔會全部開放。

瞓身搶客

但每逢大節日，客人排山倒海咁湧嚟，囡囡唔夠分嘅情況下，夜場無奈放寬規定，但要囡囡先交低「工牌」，即係工作證，等囡囡同樣以客人嘅身份陪客，而DJ妹由於最先入房，知道囡囡分配情況，真係唔夠，佢就可以搶先出手，期間仲可以觀察客人眉頭眼額，自行揀個好招呼嘅坐枱，惡啃嘅客人就留番畀其他同事，萬一冇個好人，嗰晚咪做番DJ妹囉，着數佢哋攞晒。

至於小費方面，由於係唔夠人手，所以好多夜場都畀囡囡全數袋晒，唔使拆畀媽咪同經理，如果肯出街，價錢仲可以面議，一般畀三陪仲要貴幾百蚊，由於囡囡係客串，客人覺得難得，所以都願畀多幾百，你話啲DJ妹仲唔瞓身搶客，仲等幾時呀？