唔夠舞男

據專門負責提供舞男服務嘅經理人凱納先生透露：「特別臨近年尾，好多大企業嘅高層，都會搞呢啲派對，記得以前，全部都係男高層搞，每年呢個時候，啲囡囡就會好旺場，靚女都會應接不暇，但時移勢易，家陣輪到我哋啲囝囝忙個不停。」

究竟有幾忙呢？凱納話：「我手上有廿個全職嘅舞男，兼職嘅亦有三十個，加埋五十人，但咪以為人強馬壯，今個十二月份，就接到三十張外賣定單，每次要五至十人，我都唔知點算好，於是四出聯絡其他舞男公司，但佢哋都出現同樣嘅煩惱。」

豪畀小費

有成五十人點解仲會唔夠分呀？凱納話：「男人同女人好唔同，女人一日做幾場都得，但囝囝一日點走兩場，連走兩日都未必得！何況家陣啲女高層，唔係要你嚟剝吓衫跳吓舞就算，班囝囝一定要交足功課，有人表現差啲，隨時都收唔到尾數。」

咁都幾惡撈喎！凱納話：「但小費就十分吸引，事關佢哋出得起錢，佢可以用比男高層高好幾倍嘅價錢嚟買佢哋嘅需要，所以班囝囝為咗搵錢，打針食藥都要頂硬上。」咁唔怕搞壞身子咩？凱納話：「好彩只有十二月份至咁旺，平時冇咁忙都可以抖番吓。」

大廳混戰

咁啲女高層嘅瘋狂派對，又有啲乜嘢玩呢？凱納話：「同一般酒吧搞嘅女士瘋狂之夜差唔多，但佢哋會移師酒店總統房舉行，一般都有十個八個女高層出席，而舞男就會比女士多，之前大家着到靚靚咁舉行酒會，之後就會玩吓遊戲，十分正經。」

但當大家飲得醉醉哋，就會有舞男負責剝衫引發全場氣氛，當大家都熾熱起嚟嘅時候，有啲怕醜嘅高層就會搵心頭好入房溫馨一番，但亦有開放嘅高層，就喺大廳力戰各大壯男，場面媲美四仔橋段。聽落都有點悲哀，但現實係咁，只有接受啦！老友！

撰文：小德