真係唔係好明，點解啲人咁鍾意去的士高界女，咁都算，有人仲話要溝Dancer，唔通佢哋真係以為自己靚仔過人？抑或以為今時今日，香港人個朵對內地女仔仲有叫座力？
話說早幾晚同老友返內地桑拿沖涼，梳乎完後都意猶未盡，諗住去夜總會再玩多轉。呢個時候老友突然收到電話，原來佢有班Friend喺的士高跳緊舞，於是佢拉埋我過去。
去到後，見到成枱都係男人，問佢哋點解咁寡，不如去夜總會玩好過。點知佢哋就話，喺的士高可以有女界，仲可以埋身溝佢哋，最重要就係可以溝Dancer，好玩好多！溝Dancer？望吓佢哋嘅打扮，既唔係一身富貴，又唔係特別靚仔，憑乜嘢可以溝Dancer呢？當然，萍水相逢無謂寸人，婉轉地問佢哋點溝法。佢哋好有自信咁話，只要口才得，Dancer就自動送上門喎！見到係咁，我就祝佢哋好運，然後拉老友去夜總會梳乎。
尋晚又同老友食飯，聽佢講嗰晚班Friend食白果，哈，預咗啦！
撰文：大軍