手淫過度

男性出現唔射精嘅情況，主要都同心理因素有關，一就係年輕時，縱情手淫所致，二就係夫妻感情出現隔閡，而前者大多喺新婚時就會出現，而後者就會喺婚後，經過一段長時間正常性生活後，突然出現，要對付呢種問題，自然心病還須心藥醫啦！

最好當然去看性心理治療師，佢哋會提供一系列嘅方法，幫助病者解決問題。中醫認為，前者嘅病情，主要原因係年輕時過度手淫，而且為求快感，會不斷增加官能刺激，久而欠之，中樞興奮閾值就會大增，反而正常性行為，無法引起終極興奮而射精，所以久交而不洩，中醫師建議服用一些平肝火嘅中藥，另外太太亦要緊密配合，病人至可以完全康復。

咪怕尷尬

想解決問題，先要有理想嘅性交環境同氣氛，太太可以喺性行為前先替丈夫進行愛撫或者按摩，令患者精神放鬆，感受別人嘅肌膚快感，之後太太就要性交同手淫交替進行，讓患者體會性交嘅快感，起初手淫嘅時間比例要多些，終極一刻都仲係用手嚟解決，但可慢慢改至性交時間多啲，最後可以體內射精為止，過程需時而且麻煩，太太要有耐心同愛心，千祈咪感到厭惡同怕尷尬。

至於夫妻間感情出問題，中醫師話都係睇心理醫生好啲，因為好多感情問題，只係出於猜疑對方，於是由愛變恨，令中樞興奮閾大幅下降，同樣會出現做極都唔射精嘅情況出現，所以大家都要有好好嘅溝通，夫妻和諧，自然至會有美好嘅性生活。

撰文：賢