問：我最近喺松崗沉咗船，所以要經常上去，但發覺出入好唔方便，經常要坐電單車，有次我同女友加埋佢姊妹，三個大人，正傷腦筋點樣搭車去食飯，點知女友話坐「摩托」過去就可以，最後四個人連司機迫埋喺電單車上面，乜咁都得嘅咩？
答：啲「摩托」根本就係非法營運，所以冇話得同唔得，講法例佢哋載一個客都唔可以，但以正常嚟計，一架「摩托」最適合坐兩個人，但係內地啲人就好少理，如果載小朋友，一架車載五六個都唔出奇，至於大人，最多都係三個，四個就會分開兩架。
但為咗安全起見有時幾蚊就唔好慳啦，有啲人北上周不時一拖二出街，佢哋會叫兩個囡囡坐一架，自己坐一架，有好多囡囡都會叫客人坐埋一齊，但你可以話摩托佬身上好臭，於是分開嚟坐，咁樣安全啲之餘。話時話，身貼身咁黐住摩托佬，陣味真係幾難頂㗎！
撰文：娟娟