撰文：賢

嚴格訓練

男人令人鄙視嘅行為一般有兩種，一樣就係靠女人食飯做軟飯王，另一樣就係打女人喇！因為女人應該好好愛護，就算對方教而不善，都應該循循善誘，實在唔應該動手動腳對待，如果心情唔好，亦同樣唔應該搵女人發洩。不過，日本池袋東就有一間叫做Milky Baby嘅風俗店反其道而行，專門提供風俗娘畀男人拳打腳踢，發洩對生活嘅一切不滿同壓力！

呢種格鬥風俗服務稱之為M格鬥，意思即係帶有色情成分，同客人一邊打，一邊做出各種猥褻行為。當然，呢班風俗娘絕對唔係普通弱質纖纖嘅女仔，大部分都經過嚴格訓練，平常有玩健身，而且仲學過搏擊，所以身手相當敏捷！尋常男人如果想打低佢哋絕對唔容易。

打到上床

客人入到去幫襯嘅時候，可以發覺風俗店入面有一個擂台，而呢個擂台正係風俗娘同客人作出對決嘅戰場！當然，為咗避免不必要嘅損傷，雙方對戰嘅時候都會戴上拳套、護陰，甚至係頭盔，因為打親客人固然唔好，風俗娘被打到口腫面腫亦影響往後接客。戰事一經展開，客人就可以不斷向風俗娘揮拳，不過，風俗娘經過訓練，要打中佢哋唔係咁易。然而，風俗娘都好醒目，為咗令客人得到發洩，都會故意畀客人打中，但係一般都會用護具嚟擋住，同時亦會避重就輕，令自己唔會被打傷。打到客人冇乜力之後，二人大可以移師酒店再戰下半場！入到酒店，大家唔會再用拳套，轉為埋身肉搏！但係，風俗娘梗係唔會咁易被制服啦！而且仲會用高超格鬥技將客人按於床上，繼而上下其手，向客人大肆淫辱一番！滿足完獸慾，風俗娘就會扮冇力，轉由客人將其征服，以勝利者嘅身份踏出門口！滿足其成功感！收費方面，一場M格鬥收費為一萬日圓，即係約八百幾港元，如果想有下文的話，則要同風俗娘傾一傾價錢喇！