撰文：刮王

增加娛樂性

有夜總會除咗有女陪有酒飲，仲加入特別玩意，大家睇圖片係唔係見到有人玩大細？有人賭錢？無錯，呢張的而且確係賭枱，但佢哋就唔係賭錢。原來場方加入呢幾張賭枱，係畀多一種遊戲在場嘅客人，就刮王所見，呢一類玩得較為斯文嘅夜總會中，客人亦玩得比較斯文，佢哋多數都係由晚上七點開始，飲吓酒但係就唔猜枚，反而就係多數傾吓偈為主，因為呢間場多數客人都係生意人，所以佢哋都唔會玩得太激，亦因為咁所以夜總會就加入呢幾張賭枱，並由小姐陪住玩，等佢哋可以多啲娛樂。

過手癮 唔賭錢

大家唔好誤會，佢哋所玩嘅亦唔係錢，而只係籌碼，因為喺當地賭錢係唔容許，所以佢哋都只不過係過吓手癮。其實刮王對於呢一類夜總會，感覺真係幾舒服，因為入面嘅客人都玩得比較斯文，落去玩就真係求開心同享受。以刮王感覺嚟講，就好似八十年代喺香港落去尖沙咀大型夜總會嗰種玩法一樣，紫醉金迷求開心，感覺就係最開心。