問：本人近年至學會北遊尋歡，但一直唔相信喺小店換錢，每次上去玩，都係喺香港嘅找換店先換錢，但有時失咗預算，用多咗之後，就會用信用卡嚟找數，特別係夜總會或者酒店嘅消費。但有朋友話千祈咪喺內地用信用卡，究竟係乜嘢原因呢？
答：你朋友咁同你講，最主要嘅原因，係怕你嘅信用卡資料被人盜用，因為喺內地盜用信用卡資料嘅方法十分簡單，一個好小型嘅儀器，畀人一刷，就可以攞晒你卡裏面嘅資料，之後複製幾多張卡都可以，到帳單寄嚟嘅時候，你都咪話唔頭痕。 而且大家上去玩，無論夜場或者酒店，佢哋嘅職員乜嘢人都有，良莠不齊，無論侍應、收銀、經理、部長都可以接觸到你張卡，其中一個受唔住誘惑，向你張信用卡埋手，你都會成為受害者，所以萬不得已，都係唔好喺內地用信用卡。
撰文：小德