好似我大軍有一次去東莞一間夜總會，見到一位相熟小姐面色唔多好，細問之下先知道原來佢啱啱落咗仔，但係因為要開工，所以冇時間休息。聽落真係幾慘情，話說呢位小姐今年二十二歲，做咗呢行只有幾個月，但係就因為有一次個衰客中途偷偷除套，咁就中咗招。

據呢位小姐所講，佢哋一班新人喺夜總會工作，好多時同賣命冇分別，事關通常要做夠三個月，如果唔係就賺唔夠錢返鄉下同埋還錢。正所謂手停口停，有時唔舒服都要頂硬上，別無選擇。

就呢個問題，我曾經同一個夜場經理傾過，佢都好同情呢類女仔，好老實講，同情在心，但亦好難出手相助，事關萬一出事，咁你幫得第一個，幫唔到第二個、第三個。好多時見到佢哋咁情況，最多係安排佢哋坐啲斯文客，其他都冇乜嘢可以幫到手。

撰文：大軍