網絡上不時出現性感美女，好似呢期就有「網絡第一美腿」之稱嘅孔燕松，為北京體育大學嘅學生，身高5呎10吋，屬於正宗九頭身美少女，紅遍內地及台灣網絡。
據悉，孔燕松於去年北京奧運開幕禮上擔任工作人員，由於佢高人一等，喺人群之中顯得鶴立雞群，因而受到網友注意。當索女嘅照片流出之後，隨即喺網絡被瘋狂轉貼，不但內地網民，就連台灣嗰邊都有大量網友希望了解呢位索女嘅一切。
另一方面，孔燕松單憑一雙修長美腿就殺入台灣某搜尋器十大排行榜第四名，佢更於最多內地美女自拍照嘅貓撲網舉行嘅美腿大賽中，獲得大批網民支持而成為第一名。有傳聞話孔燕松就讀體育相關科目，而且專攻田徑，但雙腿依然keep住瘦長，其實可以話畀大家知，索女只係修讀新聞系，雙腿梗係唔會變粗啦！
真係好Blog：www.http://photo.myspace.cn/kongyansong/album/149887
撰文：娟娟