你我返工都係為賺錢，呢個相信大家都會認同，咁喺夜場返工做小姐又係為乜？呢條問題問嚟都多餘啦，當然係為錢。刮王夠膽講，對於做小姐嘅嚟講，返工係為搵錢呢個目的，相信就比起任何一位打工仔都強，全因佢哋嘅工作係以肉體作為本錢。
無良僱主
你話如果做小姐，但係又無糧出會點？相信小姐們會連舖都燒咗佢啦。刮王早前同去一間夜總會坐，同幾位剛剛返呢間場嘅小姐傾開，先知道原來佢哋過往工作嗰間場，喺過去一年當中就有三個月試過唔出糧。細問之下先知道，呢間場生意唔錯，但係個老闆就偏偏並非好人，原來佢扣起小姐嘅人工去找其他數，就如電費同交租等，咁搞法又真係幾離譜，後來呢幾位小姐離開，去第二間場工作。
睇實啲錢
其實以刮王所知，坊間有唔少呢種事情發生，所以小姐們依家對於自己嘅錢都非常謹慎，雖然每接一個客嘅肉金仍然喺間場老闆手上，但係小費方面，佢哋依家就睇得好緊，以前佢哋嘅小費係要每晚先交到公司手上，之後再平均分，但係依家小姐們就睬你都傻，總之有錢就自己收埋，小姐話如果再畀無良老闆收起份糧，連呢啲皮肉錢都埋，咁就真係陰功。
撰文：刮王