珍妮正值雙十年華，身邊不乏追求者，而最有感覺嘅就係阿湯同埋彼得，珍妮覺得繼續咁樣一腳踏兩船都唔係辦法，正要從兩者中作一取捨，但點都冇辦法揀得到，好友珠迪出咗個主意，就係叫珍妮走去整一個愛的紋身，之後畀兩個睇，睇吓邊個識得欣賞。
珍妮於是就走去紋身舖搵師傅整咗個愛的紋身，之後就逐一向男友展示。出主意嘅珠迪十分期待珍妮嘅答案，於是工都唔返走去佢屋企，睇吓發展如何。珍妮話：「唔好提啦！佢哋一見到個紋身，就剝褲撲埋嚟！」珠迪雀躍話：「真係咁熱情？」珍妮點點頭，之後珠迪問佢紋咗乜嘢令兩條仔咁興奮，佢話只紋咗個卡通人物，貪佢夠可愛嘛！
珠迪諗極都諗唔明，最後問珍妮紋咗喺邊？珍妮話：「咪紋咗喺恥毛旁邊囉！」珠迪明白晒，你咁樣除低條底褲畀個紋身佢哋睇，佢哋梗係撲埋嚟啦。珍妮亦終於明白，再問珠迪點算？珠迪話惟有論床上表現去揀啦！珍妮笑笑口話阿湯好勁，床上功夫了得，最後拍板揀咗阿湯。早知係咁，使乜搞啲愛的紋身咁麻煩啫！
撰文：小德