曼谷夜場精彩，呢點相信好多人都會認同，因為確實係好多嘢玩，而且係你想點玩就點玩。早排呢邊嘅場因為客人少咗，所以好多場都吉晒，夜場嘅場主都諗盡辦法去搵客人，於是就度咗一個包場玩法出來。
平價做豪客
早排刮王就有位當地嘅朋友玩包場，大家聽到呢個「包」字係唔係即時好驚，因為包場聽落已經覺得好貴？如果話當晚成個場有二十條女，入面啤酒任飲，但係講緊嘅只不過係約十萬銖，即係約兩萬港元，咁你又覺得貴唔貴？大家無睇錯，當地有好多細場就係玩呢一招，以較為吸引嘅價錢，等你做一晚大豪客，總之你包場之後，就可以叫幾多個朋友嚟玩都無問題，咁當然一分錢一分貨，客人只可以單飲啤酒，如果要飲烈酒的話就要特別加錢，咁當然就係如果你要同小姐有進一步嘅活動的話，咁就要自費。
齋睇女都值
雖然話肉金另計，但係刮王都諗，如果真係三五知己夾份，以呢個數去包一個場，全晚就係自己話晒事，咁其實都幾抵玩，最重要嘅係呢條數入面，已經係包括埋二十位小姐，如果你唔去馬的話，真係齋睇女都值番條數，所以有幾會去玩的話，搵呢一類細場玩就最好不過。
撰文：刮王