我大軍最怕就係同啲鍾意左計右計，玩咩都要度住度住嘅人去玩，雖然唔係話返內地玩就要扮豪客，但係都唔好吓吓計住，咁搞法真係冇癮！話說我有個朋友，平日又話買車又話買樓，理論上應該唔憂米。早排佢搵我帶路返內地唱邪K，起錨前佢已經問晒價，知道預兩千蚊就得。
去到目的地後，經理問飲乜嘢，佢就開始發問，係咁問經理乜嘢酒有特價，邊隻酒可以簽。起初經理都好有耐性答佢，講得幾講經理都唔耐煩，我就出聲話開支老威先。等經理出門後就問朋友，係咪次次都係咁問。朋友就話出得嚟玩要精打細算，費事畀人呃。唉，酒啫，兩個人飲得幾多？算！揀埋囡囡，佢又再係咁，猛問媽咪使唔使畀貼士，又問囡囡第二朝幾點會走，煩到媽咪都怕咗佢！最慘就係埋單時，佢為咗折扣問題又再嘈，話叫咗一支老威加一打啤酒，點都要打個八折。事到如今，我決定掟低一千銀，然後拖囡囡鬆人，費時等陣嘈到拆天，心情唔好又甩唔到身，你話係咪先？
撰文：大軍