問：早排我瞞住老婆同班兄弟去常平飲花酒，正當我哋喺夜總會玩到夠皮，諗住上房繼續下文之際，突然收到老婆電話，急召我返屋企交人。點知半夜常平冇火車又冇大巴，惟有砌個理由出嚟，話返唔到屋企，最終梗係畀老婆省鑊甘。我想問半夜想從常平返屋企，究竟有乜辦法呢？
答：閣下嘅老婆查得咁緊，下次玩偷食，最好都係揀番深圳呢啲地方，截架的士就可以經皇崗返香港，勁方便。加上東莞呢期嚴打，都係少去為妙。話說回來，如果半夜想從常平返香港，其實都有辦法。喺常平大街近匯×酒店附近，有去深圳嘅的士喺度等客，大可以走去同佢哋講價，價錢約一百八十到兩百人仔。另外，仲有白牌車都會載客去皇崗，價錢亦差唔多。不過白牌冇保障，都係坐番的士好啲。
撰文：阿豪