問：小弟北上經驗大約一年多，但以往都係跟啲前輩師兄一齊去，埋單時都係先由佢哋搞掂，然後再除大數，最近自己身痕，竟學人帶隊北上，其中有條數真係唔明，就係房間嘅DJ妹，當走人嘅時候，佢竟然拉住我要我畀小費，乜要畀錢嘅咩？
答：好多新師兄都以為DJ妹係夜場嘅職員，負責幫客人點歌，叫吓嘢食，到埋單時同啲囡囡派錢之後，拍吓個籮柚就走人。其實啱咗一半，冇錯，佢哋係夜場嘅職員，但佢哋係冇工資嘅，主要就係靠客人嘅小費維生，所以唔拉住你仲拉邊個？
佢哋按間夜場嘅名氣而定小費標準，有啲一百一晚，有啲就兩舊水一晚，家陣東莞有啲大場，仲有啲DJ妹收三百蚊小費，有人話貴過坐枱嘅囡囡，但咪以為呢啲小費佢哋袋晒，DJ妹係要拆番畀夜場同埋經理，以一百蚊為例，實際收到五十蚊都好好啦！
撰文：小德