前幾日過咗常平，去咗間大場度玩，由於有十幾人，於是開咗間大房，以為好威，於是叫經理搵啲好嘢入嚟，但竟然冇乜囡囡揀，最後十幾人只揀得落九條女，我捉住經理問點解？佢話可能係周末嘅關係，生意實在太好，公司幾百囡囡都唔夠揀，我出走廊一望，真係全場VIP房爆晒。
真係冇辦法，家陣內地嘅消費力真係驚人，我哋啲港人返上去玩，有時真係冇乜碇企，揀女就已經係，經理話唔係冇囡囡喺小姐房，而係有好多內地豪客，一早預訂晒啲女，佢哋十個八個嚟，每人最少要預兩位小姐相陪，一晚十零廿個咁嘅客，就已經預訂晒大半嘅小姐，所以好嘅囡囡，一早就冇晒。
有人會問大家都係客，大家都係畀三六九，點解啲媽咪經理咁大細超，其實係有原因嘅，我哋港人上去玩，一般都係夾份嘅，好少人會醒小費畀媽咪經理，所以交情淡薄；但內地豪客嚟親嘅都係大老闆請客，未醒小姐，先醒媽咪經理，所以特別關照佢哋，單係呢方面就已經輸蝕晒啦，而且一醒就幾百幾百咁醒，畀我都未必出到手呀！所以大細超，係應該嘅。
撰文：大軍