專屬女優

大型AV片商SOD就出資開咗一家成人動漫公司，名字叫做「Chichinoya」，據講會喺十二月隆重成立，但佢哋旗下嘅「專屬女優」，已經有作品喺十月同十一月推出巿場，反應熱烈，有朋友會問？動漫作品點解會有「專屬女優」嘅？

呢個就係大老闆SOD嘅巿場策略，佢哋話要以真人女優嘅方式，包裝佢哋旗下動漫作品嘅女主角，要佢哋成為大明星，有追捧價值，喺十月就推出咗佢哋第一位動漫女優立花薰嘅作品，而喺今個月就會推出第二位動漫女優椎名美咲嘅處女新作。喺「Chichinoya」正式開張嘅時候，就會推出埋第三位動漫女優若槻理沙嘅新作，以收宣傳之效，三位動漫女優各具特色，立花薰係年輕癡女，椎名美咲就係糊塗人妻，而若槻理沙就係性感OL，身材方面，全屬超級爆乳系中嘅極品。

分一杯羹

有人會質疑搞動漫女優有冇作為呀？家陣一張動漫影碟，十七分鐘就收你一千八百日圓，即係成百幾蚊港紙，同真人女優60分鐘作品，只差一千日圓左右，至於成本可能唔差唔得好多，所以只要做到個勢，單賣碟都可以薄利多銷，而且仲有其他生財之道，就好似近年十分流行嘅少女動漫作品《一騎當千》，當中嘅女主角就極之性感，與A片只一線之差，深受讀者歡迎。但最搵錢嘅都係佢哋嘅副產品，就令公司賺唔少錢，SOD今次進軍動漫巿場，如果只想分動漫巿場嘅一杯羹，就實在太睇小佢哋啦！

撰文：小德