忠仔話：「當日我去到一間深圳骨場享受按摩，由於服侍我嘅技師幾靚女，同我亦相當好傾，所以按完兩個鐘之後，我決定加鐘，爭取時間同技師交流一番。享受過後，我如常到休息區飲多杯橙汁以及欣賞電視劇，然後先施施然去沖涼。不過，當我去到櫃台埋單嘅時候，我發覺價錢比我所知嘅有所出入，詢問收銀員之後，佢表示按四個鐘就呢個價錢，但係我就話自己只係按咗三個鐘。呢個時候，收銀員做咗一輪動作，然後表示可能係技師報錯鐘，最終收回正常價錢，而我亦冇特別追究點解會計錯鐘錢，照樣返落香港。」

「我第二次去呢個場，又再搵該名技師按摩嘅時候，我好奇問佢上次係咪報錯鐘數嘅時候，佢就同我講，話好多收銀員會趁經理唔在場嘅時候出蠱惑，專登計錯鐘數就係其中一種呃錢蠱惑招數，客人唔為意照畀錢，多出嘅鐘錢佢哋就可以袋袋平安。若然畀客人發現，佢哋就可以將責任推落技師身上，仲扮到正氣凜然咁指摘技師報錯鐘，幸好當日我真係眉精眼企，睇清楚張單，如果唔係就蝕底喇！」嘩，呢啲人真係好離譜喎！

賢