各有市場

水着女優木口亞矢，人靚聲甜再加大大對車頭燈經已殺盡天下男性，但阿妹就自言非常擔心前途，事關阿妹認為男人都係見異思遷，即使今日勁冧你，聽日有新女優出場就一腳伸開你，真係好無陰功喎！

木口妹話：「我知道自己係靚女一名，但都唔及對大光燈吸引，皆因男女世界就是如此，只要夠大胸，男人自然進迷陣，所以靚女係唔及大波妹吸引，呢個係遊戲規則！」木口妹未免太杞人憂天，靚女同大波妹各有市場，況且木口又索又大波，咁仲使乜驚呢？「又唔係咁話喎！無疑我係大波，但女人身材好易走樣，一唔小心，就會跌Cup，就算着錯衫都會影響胸部美感，男士就會變心，你話啲男人幾衰呢？」

早晚豐胸

勢估唔到，一個先天條件咁正嘅女優都怕男人嫌棄，咁唔知阿妹又有乜解決方法呢？木口妹話：「當然係要好好保養啦！對於護胸工作，我一啲都唔馬虎，例如每日我都會做磨沙以及保濕，令胸部皮膚保持彈性，晨早起床以及臨瞓前又會做擴胸運動，都有助胸部時刻保持完美體態o架！但最緊要都係飲食方面，事關一日三餐，假如飲食唔均衡，令身材過肥或過瘦，唔單止影響胸部外觀，當你要減肥時，更會連胸都縮埋，都時喊都無謂呀！」嘩！原來做女人咁麻煩，女優呢行飯，果然惡啃呀！

由細保養

大光燈保養原來咁多學問，而另一位水着妹石原敦美就認為，女人由發育開始就應該要注意，因為發育不健全會影響深遠，石原妹話：「以我為例，由於年少無知，以前暴飲暴食，十八歲前都係肥妹仔一名，畢業後搵唔到工作，更加搵唔到男友，當時真係好灰心，覺得做人無意義，最後我決定要靠自己改變一生，首先第一步就係減肥，但好可惜連胸都減埋，由原來嘅F-cup急降至C-cup，雖然身材係Fit咗，但感覺始終差啲嘢！嘗試過坊間不少豐胸法，花咗唔少錢，今日至可以升到去D，所以我以過來人身份同姊妹講，從小到大保養體態至係最明智做法，否則定晒型至執靚自己，必定會使好多冤枉錢呢！」

好難相信石原妹由一名肥妹減到今日咁好身材，仲要經歷過一段咁痛苦日子，今日嘅成功的確得來不易，證明水着妹雖然唔使剝清，但單靠對大光燈搵食一樣唔容易，都係拿拿臨買本寫真集珍藏先！

石原敦美小檔案：

出生日期：1986年2月1日

三圍：34、24、34

身高：160cm

木口亞矢小檔案：

出生日期：1985年10月11日

三圍：36G、24、34　　

身高：158cm