過度運動對於筋骨有可能造成損害，而瘋狂球迷相信都唔係十八廿二，所以出現腳軟以及腰痠背痛其實都係正常。平日多做運動，而每次踢波前做好熱身應該可以將問題減輕，瘋狂球迷自己亦應該將情況話畀老婆知，老婆應該會明白其苦況。

針對瘋狂球迷的情況，可試用一味蹄筋雞子湯，材料包括黃耆、杞子各二錢，當歸、桂枝、陳皮各一錢，蹄筋四両，雞子三對。先將中藥材料加適量清水煮成湯汁。然後將蹄筋、雞子以及湯汁放入燉盅，加少許米酒以及鹽，再燉煮一個鐘頭即可食用。黃耆有補氣作用；當歸補氣活血；桂枝溫通經脈、通陽化氣；蹄筋強壯筋骨；雞子則以形補形，有補腎作用。所以，呢個湯最適合好似瘋狂球迷呢類男士增強精力，改善身體因運動過度而出現的痠痛情況。

陽起子