難以自拔

喺四仔界，有不少四仔女星因為太過投入，或者迷上男優強橫嘅戰鬥力，而對對方鍾情不已！麥堅絲就話：「我之所以鍾意我男友，其實係同拍四仔有關。話說我經常飾演佢個老婆，同佢有好多對手戲，更不時要同佢曳曳。經過長時間嘅合作後，發覺我哋對大家開始有感覺，久而久之便發生感情，然後順理成章地走埋一齊。」

另一位人氣四仔女星妮麗表示：「喺未拍拖前，我經常與唔同嘅男優合作。一段時間打滾後，我發覺依家嘅男友床上工夫最好，每次曳曳都能帶畀我極大嘅快感。起初以為只係我咁諗，後來聽佢講原來都好鍾意同我曳曳，結果我哋就喺埋一齊。」

親密好友

男女雙方都從事四仔行業，佢哋會唔會呷醋架？麥堅絲認為：「都會有架！唔知係咪因為同佢熟咗關係，有時見到佢同其他女星曳曳，搞到對方高潮迭起，佢亦好似好興奮咁，真係有啲不是味兒嘅感覺。不過後嚟慢慢習慣咗，不但冇呷醋，見佢搞到其他女星大叫大嚷，竟然有啲自豪。依家我哋仲會一齊討論，睇吓邊個男優及女星嘅床上工夫最好添！」

妮麗笑道：「我就覺得有個床技咁出色嘅男優做男友，係一件值得自豪嘅事。我唔單止唔會抗拒男友同其他女星曳曳，反而會鼓勵佢。因為我覺得如果佢唔試多啲，又點知我嘅床上工夫好呢？」

研究床技

既然男友亦係四仔界中人，唔知兩位靚女閒時會否同男友鑽研床技呢？麥堅絲點頭道：「我哋最鍾意就係研究其他四仔演員嘅演出，而有時睇到一啲新奇嘅體位，我哋都會即刻試玩，睇吓係咪可以令男女雙方都咁滿足。」

妮麗亦話：「我最鍾意就係同男友一齊鑽研床上新花式以及情趣用品嘅玩法，加上我哋對四仔拍攝嘅認識，知道邊個動作最能畀到四仔迷官能刺激。當拍攝時，將我哋研究出嚟嘅成果糅合其中嘅話，便能夠讓作品嘅觀賞性得以提升！此外，由於四仔成為我同男友間嘅共通話題，彼此關係不但加深咗，而且仲有助我哋相處。」睇嚟搵個四仔男優做男友，好處唔少喎！

妮麗小檔案：

年齡：29

身高：5呎4吋

三圍：36、23、33

興趣：彈結他

麥堅絲小檔案：

年齡：31

身高：5呎5吋

三圍：34、24、34

興趣：焗蛋糕

撰文：阿豪