娟媽緊張起嚟：「咁有冇電視台直播架？」小娟：「可能有啩？」娟媽：「咁咪要化妝，唔係點見人，家陣要上電視，仲要化個高清妝至見得人架！」小娟：「化唔化妝都好閒，最大煲就係史Sir乜都唔關照，就係關照我做持旗手。」

娟媽諗咗一諗：「就係擔住支嘢行第一嗰個呀？」小娟：「咪係囉！」娟媽大喜：「行第一嘅持旗手，電視一定影到，咁真係要通知定啲親戚朋友啦！」小娟抱怨：「真係唔想做呀！你知碌嘢有幾重，搞到史Sir一放學就要操我，不知幾咁辛苦。」

娟媽不以為意：「操操吓就慣，有乜嘢大不了……乜嘢話，你個史Sir日日操你？」小娟：「係呀！一放學，佢就要我去體育館攞支嘢嚟畀我練習，雖然比旗桿細碌啲，但都幾大架，每日玩半個鐘，玩到史Sir話夠至休息得，真係辛苦死人呀！」

講到呢度，娟媽自然又趕去搵史Sir算帳，究竟史Sir畀乜嘢小娟玩呢？

選擇：

1. 史Sir嘅私家咪

2. 體育館支地拖

3. 性玩具

4. 田徑用接力棒

答案：2. 體育館支地拖

解釋：由於要練小娟嘅腕力，所以史Sir搵嚟體育館嘅地拖，等小娟每日練習半小時，所以搞到小娟成身散晒，娟媽唔知聽乜嘢，竟然以為史Sir想鹹濕小娟，睇嚟史Sir少不免頭破流，希望佢傷勢早日痊愈，否則巡遊時包住個頭就唔好啦！

小德