好多男人都認為女人最緊要聽話，好似小鳥依人咁款就最可愛喇！可惜我每次溝女都遇着一啲恐怖惡女，認真黑仔。損友Joe話我黑仔，又話呢啲就係命運嘅安排，我一生注定要做女人嘅奴僕。我唔信，於是早幾日落吧搵食，諗住溝番個純情女去服侍吓自己，點知就出事。
話說當晚去到酒吧，由於時間尚早，場面比較冷清，期間我留意到一個女仔，佢眉清目秀、打扮斯文，加上一身辦公室女郎裝束，肯定係待溝少女，於是我立即採取主動，坐埋去搭訕。
個女仔表現得好親切，當晚我哋玩得好開心，大家都飲到唔清唔楚，步出酒吧，佢竟然主動邀請我去佢屋企過夜，既然美女開到聲，我梗係恭敬不如從命啦！
入屋之後，呢個美女即時攬埋嚟撩我濕吻，期間仲為我解除下身束縛，之後叫我坐喺梳化，隨手拎起一條紅繩綁住我雙腳，以為佢想全程做主動，呢個時候，我竟見到佢喺櫃桶拎出一條皮鞭，仲要陰陰嘴笑話：「我哋今晚就玩得刺激啲……」睇嚟Joe講得無錯，我果然係黑仔之王。
娟娟