今年掛正牌頭擺大壽，當然唔會馬虎，據講掃黃行動會一直持續到年底，而且不會比之前「求其」。

以往掃黃，針對對象主要係一啲玩得太過分嘅大場以及中場為主，由於佢哋較有規模，有關部門掃黃後，即時會有傳媒報道，玩家會收到「第一手消息」，同時執法部門則可以表明「做到嘢」，而附近一帶嘅中小型場則變驚弓之鳥，即時收檔避查。

雖然話掃完之後會令部分場避吓風頭，但係一啲玩地下形式嘅邪骨場就完全當無事發生，房內依舊呻吟不絕，皆因佢哋知道「嚴打」只係做騷而已，交足數就大家開心。

難怪有人話唔去深圳玩，到其他地方就可解決，咁諗就大錯特錯，事關有連鎖式夜場經理收到風，今年「六十」大壽，廣東省落了「柯打」，全省各地方部門要清查轄下娛樂場，夜場無事猶自可，一有事就要負全責，即是話全個廣東省已進入嚴打時期，這段日子想去玩，都係忍吓為妙！

祖