浪漫睇星

小記屋企曾經富有過，更加曾經係有車階級，只可惜當時冇女友，唔能夠載住個女仔去遊車河，享受一次浪漫嘅汽車旅程。其實，對於好多女仔嚟講，擁有汽車嘅男友真係幾吸引，返工放工有車接送，喺同事面前都威風好多。

日本水着女優大島麻衣都係咁話：「男友揸車接送返工嘅時候，你會發覺身邊嘅女同事都會投以羨慕眼光，即時覺得自己身份都高級咗。不過，我最鍾意都係男友車我去遊車河。當時，我前任男友雖然唔係大富大貴，但係就鍾意玩車，經常同我食完飯之後，就會揸車去到山上面睇星星。我哋兩個一齊瞓喺草地上面，男友就摸住我隻手仔睇星，感覺真係浪漫到震。」

偷偷摸摸

拖住手睇星星，真係諗起都窩心死，只可惜小記又冇女友冇車，唔知等到何年何月先可以享受到箇中滋味喇！另一位日本水着女優石川優實就話，自己同麻衣一樣，以前經常有男友接佢遊車河兼上山睇星星，不過，佢哋發展一日千里，仲唔單止摸手仔咁簡單。

優實話：「我份人比其他女仔較為開放，所以唔介意好快就同男仔發生感情，當然大前提係對方一定要有咁上下條件，例如有份好工又有車啦！所以，我以前拍拖都經常深夜遊車河，不過好似麻衣咁只係拖住手仔睇星星，就滿足唔到我同男友喇！你知啦！夜晚嘅山上面基本上都冇人，因此行為就會大膽啲，加上我身材咁好，男友仔好多時都會偷偷地伸隻手過嚟摸吓我，而我又伸手去摸吓佢。但係摸之餘，又會擔心突然有人出現撞破我哋嘅好事，所以動作唔會太大，心情亦相當緊張，呢種偷偷摸摸嘅感覺真係令人好興奮架！」

車震免問

既然大家互相撫摸，搞到慾火焚身，唔知優實咁大膽，又有冇諗過上車試吓車震嘅滋味呢？優實急急忙忙咁話：「梗係唔得啦！雖然我個人係開放，但係都唔會咁輕易同人發生關係架！隨隨便便就同男人交歡，往往會令對方覺得我唔矜貴，將我當成舞小姐一樣咁看待。如果真係咁想同我做，至少都要花多幾日心機氹吓我，例如送吓禮物，請我食多幾次飯等等，畀我感覺到佢有誠意至得。另一方面，玩車震真係唔安全，好容易畀人發現，即使車裏面有窗簾可以遮住春光都好，叫聲同震動都可能畀其他人發覺到，到時惹官非就真係醜死人喇！」

大島麻衣小檔案

年齡：22歲

身高：5呎2吋

三圍：35、23、33

石川優實小檔案

年齡：22歲

身高：5呎

三圍：33、22、32

撰文：賢