呢排因為暑假過後，好多夜場都無乜搞節目，夜場亦變得清閒，刮王呢幾排落去夜場，小姐們都有時間傾偈，早兩日小姐們先話因為客人喜好而玩美白，但係過幾日後同另一批小姐傾開，佢哋就話依家諗住轉行，點解突然間咁悲唔做呢行？
刮王又同一位喺呢行做咗近八年嘅小姐傾過，佢話記得剛入行，即係大約2001年前後，曼谷大約有一百間活躍同出名嘅夜總，當時經濟好客人多，佢一晚開工最小都有三枱客，但係時移世易，近年夜場數目增至過千間，小姐人數多但客量就少，形成嘅局面就係夜總會同小姐都玩減價，佢話以前每位客人一晚起碼使一萬銖以上（即係約二千港幣），而佢就可以賺到最少五千銖，如果客人畀埋小費就可以有成七千銖，但係今時今日有客都只不過係賺三四千銖，收入少咗，所以佢覺得前景唔好，最好都係轉行。
小姐們心灰意冷想轉行，但係轉行可以做乜呢？佢話唔打夜總會工，同幾位姊妹開酒吧，因為佢話酒吧可以吸納更多唔同類型客人，而且唔係打正牌做小姐，唔使吓吓同人上房，但係佢話到時如果客人有興趣的話，佢都可以照樣同佢打番場友誼波，咁又可以賺番多少。
刮王