撰文：小德

希望攞獎

呢兩位咁有鬥心嘅囡囡，就係嚟自斯洛伐克嘅安琪兒德格（Angel Dark），咪睇佢已經27歲，但佢嘅產量驚人，可入三甲之列，而另一位就係喺美國維珍尼亞出生嘅麗潔露華（Nikki Nova），佢31歲仲狀態大勇。

我哋先問一下安琪兒德格，點解會喺圈裏面咁勇猛？佢話：「自己入行入得遲，上位又上得遲，所以今時今日嘅地位，完全係得來不易，要好好保持現狀，就要加好幾倍努力，先至可以。」難怪咁有鬥心啦。

咁安琪兒對未來嘅期望係乜呢？佢話：「我想攞多幾個圈裏面嘅大獎，證明自己呢幾年嚟嘅努力係冇白費過，有啲人都會問我，呢啲四仔獎有乜好要？但我話如果你嘅努力連自己人都唔認同，何況係外人呢！」

犧牲健康

要上位就少不免要付出代價，安琪兒呢幾年又付出咗啲乜嘢呢？佢話：「由於工作太忙，所以付出咗好多休息嘅時間，有次仲忙到暈咗，醫生要我充分休息，但為咗工作惟有頂硬上，但自此身體真係差咗好多。」

工作咁忙男朋友唔會投訴咩？安琪兒話：「所以我呢幾年一直換男朋友囉！好彩最近都搵咗個可以就到我時間嘅男仔，我哋好少時間見面，但佢就好體貼，而且唔使見面就上床，令我可以有多啲時間休息。」

安琪兒嘅男朋友真偉大，而另一位今年超過三十歲嘅麗潔露華，佢仲搏得緊要，原來佢除咗拍戲拍寫真之外，佢仲接咗好多騷，周不時四圍飛咁去登台，而且仲有好多私幫生意，絕對係個由朝忙到晚嘅大忙人。

做嘢開心

麗潔被喻為圈中嘅小富婆，既然已經搵到咁多，點解仲咁搏呢？麗潔話：「自己天生就係停唔到落嚟嘅人，只要有嘢做，就會十分精神，相反要我放假唔做嘢，我會無端端病幾日添，真係唔到你唔信邪呀！」

麗潔話：「自己好喜歡呢行，所以喺脫星界只要仲有人搵我開工，我就會繼續做落去，而做騷可以表現自己，又可以搵錢，何樂而不為，至於做生意，有好多係同人合作，只要間唔中到吓，唔使好辛苦啫。」

生活咁忙，感情方面會唔會受影響呢？佢話：「自己個男朋友好就得我，感情生活一啲都冇問題。」最後問佢希望有乜嘢成就？麗潔話：「唔使要成就，只要仲可以做落去，我已經好開心。」真係肺腑之言。