助燃慾火

於歐美四仔界，大部分製作之中都充斥大量淫語，雖然有人認為當事人太造作，但大部分男士都覺得有助提升性趣，而脫星奈雅及菲爾就自言不論拍戲或同男友曳曳時，都會大講淫語，既可提升雙方樂趣，又係一種減壓良方！奈雅話：「每次同對方交手時，我都會發出呻吟聲，因為此舉有助激勵士氣，令對方表現更投入。而當對手做得唔夠好時，你亦可用溫柔、撒嬌的聲線指導佢，但千萬唔好用上司命令下屬般的口脗。」

至於好姊妹菲爾就話：「另外喺親熱前，不妨在男伴耳邊輕聲講出你想怎樣，男性肯定會大為受落，甚至可令他的慾火燃燒得更猛烈。」

挑逗引導

脫星都認同性愛時講淫語雙方都係一種享受，之不過並唔係亂講一通就掂，必須按實戰情況，由心而發，咁至有效喎！奈雅妹更表示，若然想再進一步出現高潮，有啲鼓勵淫語一定要識。

「其實男人不外乎威猛同犀利兩個字，所以當女士已超快感時，不妨再將『氣溫』提升，讚吓對手，都起到極大鼓勵作用。男伴得到你認同，自然做得分外起勁，最終雙方得益！」

奈雅更表示呢種邊做邊引導方法，不單可以滿足女性，仲可帶畀男性極大性刺激，例如臨近高潮之際，女性可在男伴耳邊反覆講：「我就到喇……」可能會令雙方同達高潮絕妙境界！

賽後檢討

脫星講淫語等同食菜，但兩位脫星就話單單靠講係唔夠㗎，想保持長久美滿關係，完事過後，賽後檢討至最重要。

菲爾妹話：「女伴唔應該完事後立即沖涼淨身或倒頭大睡，應該嘗試享受浪漫後嘅餘溫，同男方嚟個賽後檢討，例如可擁抱男方，輕吻對方額頭以及身驅，並喺對方耳邊講：『我好鍾意之前你嘅表現，不如再嚟一次？』呢啲浪漫中帶點誘惑嘅稱讚，除令男方心滿意足外，還隨時令他重燃慾火，忍唔住要梅開二度都未定！如果男伴表現令你有所不滿，你亦應該婉轉地告訴他，好讓他在下次親熱時有所改善，令雙方性生活更趨完美。」

脫星講就好簡單，不過都要各位姊妹肯學以致用至得㗎！

奈雅小檔案

年齡：26

身高：5呎5吋

三圍：36、24、36

菲爾小檔案

年齡：28

身高：5呎7吋

三圍：34、25、35

撰文：祖