02/09/2009

播放本新聞相關短片

索女圈:床上鐵娘子性事由佢揸主意

男人總以為識得琴棋書畫嘅女性必定較溫文爾雅,發夢都想搵個嚟做女友仔。不過搵得到又未必好,好似愛川夏里季及佐野夏芽兩位水着妹咁,既識彈琴又識寫作,外表仲好清純添!之不過兩位衰妹竟然係床上硬橋硬馬型,講到性愛絕不手軟!

滿足靠手段

愛川夏里季話:「點解男人總係手多多,鍾意向女伴上下其手呀?其實最簡單嘅原因係佢哋對性有一種無法抗拒嘅沉迷,只要你能夠喺床上令佢哋得到最大享受,男人就會死心塌地同你一齊。所以要留住男人心,第一件事就係要滿足佢哋嘅性慾。之不過滿足唔代表對方話嚟就嚟,而係當佢哋有需要時,用方法幫佢哋解決咋!」

愛川夏里季真得意,又要滿足,又唔係畀人,咁究竟係點先得㗎?「哈,咁就要睇姊妹經驗喇!以我為例,平日工作已經好攰,但男友仔夜晚仲諸多要求,雖然我都會有需要嘅時候,但如果話嚟就嚟,日子一久,就變得好冇情趣,因此我多數會吊吓佢哋癮,等佢哋知道得來不易,不過我都會用我方法幫佢哋解決,例如手口並用,甚至叫佢哋自己解決,而我就喺佢哋耳邊呻吟輔助,連男友仔都嗌爽㗎!」阿妹玩到自己咁「貴」,莫非唔怕對方出去滾?「完全冇擔心過,事關我用呢種方法,習以為常,男友一有性需要,就會想起同我曳曳,自自然就會返歸等我,仲會對我千依百順添!」阿妹果然有信心,你係得嘅!

性難度挑戰

水着妹愛挑戰「性」,但唔係每個男人都受,阿妹呢招係咪次次都得先?「當然啦!唔得又點敢同大家分享呢?假如男人想要就立刻畀佢,太過順從佢哋意思,當佢哋得到手後,就會變得冇新鮮感及挑戰性,玩得多仲好可能生厭添!所以當男人想曳曳時,適當地吊佢癮係必須嘅,若然姊妹怕激怒對方,咁就係你自己有問題喇!因為對方真係愛你,又點會因為性愛而嬲呢?真係發火,呢個男人都飛得啦!雖然係咁講,但係技巧要掌握得好,都需要累積經驗㗎,假如你係初哥怕男人誤會,喺床上最好就係扮乜都唔識,等佢以為你好純情,再慢慢教你,之後先再將話事權落喺你手,咁就可以控制自如啦!」

愈要愈唔畀

愛川夏里季妹懂得捉弄男人「愈要愈唔畀」心理,令男伴得到滿足之餘,自己又可以獲得性享受,而同是水着妹嘅佐野夏芽就表示,有另一個可留住男人心嘅方法。

佐野夏芽話:「試問有邊個男人唔希望喺另一半面前成為大男人,想伴侶好好服侍自己?尤其喺床上,次次都要男人主動出擊,久而久之,男人就會覺得自己服侍女友多過對方服侍自己。故此,女人亦好應該喺床上主動出擊,我特別鍾意女上男下嘅性愛體位,男伴可以全程欣賞雙峰搖動嘅美態,佢又唔使出力,而我又可以隨時調校力度,深入淺出任我話事,嗰種興奮感覺真係不能言喻㗎!」

佐野夏芽小檔案

出生日期:1985年2月14日

三圍:34F、24、34

身高:155cm

愛川夏里季小檔案

出生日期:1983年5月16日

三圍:40H、24、34

身高:157cm

撰文:祖