有人話伴侶間和諧嘅性生活，係維繫感情嘅重要元素，拒人千里只會令對方有藉口出去曳曳，所以適當嘅迎合仍然係好重要。想知道伴侶心目中，你係咪一個理想床上對手，玩完以下呢個心理測驗你就知！
當你去大牌檔食飯，發覺其中一碟餸裏面有黑色不明物體，你直覺會認為係？
（A）曱甴 （B）烏蠅 （C）豆豉
答案分析
A. 態度強硬
你做人處事十分執着。當你冇心情嘅時候，任憑伴侶用盡甜言蜜語去請求你都唔肯就範，但當你有需要嘅時候，就要伴侶隨傳隨到，遲早令佢對你厭煩。
B. 半途而廢
你做事半途而廢，而且經常反口覆舌。喺床上面亦係一樣，往往等對方做完前戲、慾火高漲嘅時候先嗌唔好，次次咁樣谷住谷住，小心搞到伴侶性無能。
C. 盡量配合
你性格溫馴，唔係好識拒絕人，對於伴侶嘅性要求，你都會願意迎合，而且仲會盡量做到最好，絕對係一個百分之百嘅最佳床上對手。
娟娟