撰文：小德

碧波蕩漾

呢兩位胸前特別偉大嘅靚女，無獨有偶，都係嚟自澳門富×城夜總會嘅囡囡，佢哋分別係21歲嘅Money，同埋現年22歲嘅安妮，呢兩個囡囡充滿成熟味道，特別係胸前一對車頭燈，真係好易引起人嘅遐想，為免畀美色所迷，都係馬上開始訪問。

我哋搵嚟靚女Money，先訪問吓佢，家陣嘅煩惱，係咪天生嘅？Money話：「當然係天生嘅，我記得自己16歲嗰年，已經有咁嘅身材，自從嗰時開始，我就一直為胸圍嘅事煩惱，如果係後天僭建嘅，咁就真係自己攞嚟衰囉，仲使乜煩！」

咁究竟最大嘅煩惱係乜嘢呢？Money話：「我哋細個時邊識買胸圍，阿媽買幾個碼數返嚟，你就要着，但碼數太細，經常窄到呼吸唔到，於是阿媽又買啲加大碼嘅返嚟，點知就鬆得滯，經常碧波蕩漾，喺學校運動時一對大包，成日晃嚟晃去。」

肉赤到死

啲男同學仔咪好開心？Money苦笑：「同學仔就開心，但就畀老師警告，要我注意行為，但佢又冇同我講清楚，仲成日小息罰我企教員室，有個女老師睇唔過眼至同我講，後嚟仲帶我去買胸圍，我至買到啲啱尺碼嘅胸圍嚟用，但都仲有問題！」

Money話：「普通嘅胸圍，材料又差，剪裁又曳，而且完全冇承托力，所以你會發覺愈戴愈辛苦，所以一返屋企就要大解放，好彩近年多咗名牌胸圍賣，先至買到啱用嘅，但胸前偉大，真係太辛苦啦，我情願細番兩吋！」相信Money男友一定反對。

我哋再訪問一下安妮在選購胸圍上有乜嘢煩惱？安妮話：「正如Money所講，我哋胸前偉大嘅囡囡，買親胸圍都要買名牌貨，家陣一套最平都要賣五六百蚊，靚少少着得舒服嘅內衣，冇千零蚊都唔使旨意買得到，有時去買內衣，諗起都肉赤到死。」

男友陪購

真估唔到啲名牌嘢會咁貴？安妮似乎好喜歡計數，竟然繼續同我去計，佢話：「胸圍內衣日日都要替換，冇理由買得嗰一套，一買最少就六七套，你話冇成萬蚊都落唔到樓，咁都算，為咗自己舒服啲，貴貴都買啦，但原來胸圍內衣仲有季節性O架！」

安妮話：「以我買胸圍嘅經驗，佢哋每半年左右就會換季一次，即係花咗成萬蚊買返嚟嘅胸圍內衣，只可以着半年，你可以着落去嘅，但返到公司喺更衣室一換衫，其他身材差啲嘅囡囡，着住最新款嘅貨出嚟，而你仲係舊款，真係冇晒面。」

身材普通嘅囡囡，百零蚊買雜牌胸圍，就可以追潮流，但要安妮以名牌貨去趕潮流，真係搵埋都唔夠使，但安妮都有應付嘅辦法，佢話：「只要有男朋友話買嘢畀我，我就會拉佢去買胸圍，仲會即場試畀佢睇添！」咁吸引，男友荷包破產都要送啦！

安妮小檔

年齡：22歲

三圍：36、24、35

興趣：選購內衣

Money小檔

年齡：21歲

三圍：35、24、34

興趣：研究內衣