唔使問阿貴，「冰冰」嘅經痛，同氣血虛弱無關，純粹係做得「人工流產」太多，所以出現經痛嘅情況，建議去睇睇婦科醫生，再搵中醫調理一下身子，咁就會好啲，但時間可能要好長，呢段時間可以教你幾個止經痛嘅穴位，十分有效。

第一個係位置於大腿前面嘅血海穴（脾經），股骨底近膝頭骨橫二指上凹陷處，另一個是三陰交穴（脾經），位於小腿內側，由腳眼骨上橫放四指，四指頂部就是三陰交穴，用拇指打轉按壓呢兩個穴位，左右邊每次五分鐘，痛嘅時候每兩小時一次。另外還有一個穴道都好有效果，就係復溜穴（腎經），復溜穴喺腳眼骨旁後面嘅凹陷處，橫放三指後嘅頂部，用拇指打轉按壓呢個穴位，左右邊每次五分鐘，佢會將一啲血滯嘅東西排出，月事中按壓過量，小心有血崩嘅情況出現。

陽起子